حملت من الزمن هم(ن) عجز لا يحمله رجّـال

**L!fe** السبت يناير 10, 2009 8:34 am

تمر أيام يايمـه وانـا حالـي علـى هالحـال
أعاني الظلم بالدنيا ... لـو الأقـدار مكتوبـه
آكآبر يمه همومن صعيبـات(ن) تهـدّ جبـال
وأحاول ارسم البسمه على شفاتي وبأعجوبـه
واشوف الدمع يايمه على أوجاني بدا يختـال
وأحاول ابدي الفرحه وهي من الجوف مسلوبه
اكآبر وأمشي بعزّه لو همومـي شـدّاد ثقـال
من حمولي أحس الأرض تعاني هم.. منكوبـه
اكآبر دنيتي الغبرا وأجر مـن ونّتـي مـوال
وأسير بدربي المظلم ويسأل قلبي ش ذنوبه؟؟
كبر هالجرح يايمه كبر حتـى غـدا أستغـلال
أستغلوا طيبتي يمه .. وانـا بيديهـم ألعوبـه
يايمه هـذي الدنيـا سقتنـي كاسهـا بـإذلال
وخذتني لعالم الأحزان على الإذلال مغصوبـه
يايمه ماتت الفرحه ...يايمه صار فـيّ اهبـال
بعد ماحلمي اليافع غـدا فـي عينـي اكذوبـه
يايمه ساعة الشـدّه تطـول ولا لهـا حـلاّل
تدّمر كـل مافينـي قصايـد حـزن مكتوبـه
يايمه كثرة جروحي وسهر عيني عليـه طـال
يايمه من كثر حزنـي ذنوبـي مالهـا توبـه
يايمه شافت عيوني في هالدنيا كثيـر اهـوال
وانا عزمي من الصدمه خطير(ن) يعلن اهروبه
حملت من الزمن هم(ن) عجز لا يحمله رجّـال
وأكفكف باقي دموع(ن) على الخدين مسكوبـه