الا ياصمتي المنهك

**L!fe** السبت يناير 10, 2009 8:46 am

الا ياصمتي المنهك علامـك تكسـر الصـورة

وانا وياه ياصمتـي يشابـه بعضنـا الثانـي

صحيح مرايتي لكن .. اشـوف بدمّهـا ثـورة

احـس بعكسهـا هـمٍ تفجّـر ليـن بكّـانـي

احس بداخلي كل البشر .. والنـاس معـذورة

اذا حست هجير الوقت وبعض الوقت ماجانـي

واحس ان الشوارع تشتكي من يختلف طـورة

وانا والله ياصمتـي عشانـه .. دوم أنسانـي

انا شفت الفقر راحة وجوعي يكتـب سطـورة

تعب هالجوع ياصمتي فنا المجني وانا الجانـي

تلحفت الصبر لكن .. دخلنـي بـردة وجـورة

وصحّى العالم الساكن .. تساقط ثمـر خلانـي

صبرت ولا لقيت من الصبـر لاقربـه وشـورة

وعسام الوقت ياكلني وشـوف لويـن ودانـي

انا متكسر بداخـل شعـوري نكهـة شعـورة

حتى انصافي ارهقته وصبره بس على شانـي

تعبت اكذب على الحاجة واقول الحال ميسـورة

تعبت اكذب على نفس الشعـور الـي تعدّانـي

تعبت الصمت ياصمتي .. وشفتك تكسر الصورة

وراح اللي بغيت اشكيه فلا شفتـه ولا جانـي